Ўзбекистонлик бокс мураббийи Қирғиз Республикаси томонидан тақдирланди

«Париж — 2024» Олимпиадасида қирғизистонлик боксчи Мунарбек Сейитбек улуга секундантлик қилган бокс бўйича маҳоратли мураббийимиз Акмал Ҳасанов Тошкентда ўтказилган Шанхай ҳамкорлик ташкилоти халқ дипломатияси форуми доирасида муносиб тақдирланди.

Қирғиз Республикасида хизмат кўрсатган маданият ходими, Чингиз Айтматов номидаги Иссиқкўл форуми бош котиби Ассол Молдокматова ушбу мукофотни Акмал Ҳасановга топширди.

Тақдирлаш жараёнида Қирғиз Республикаси мулозимлари мураббийимизга Иссиқкўлга дам олиш учун йўлланма, миллий чопон ҳамда таниқли мўйқалам устаси Сабитжан Бабажанов томонидан чизилган суратни тақдим этди.