Қозоғистонлик спортчига 3 та автомобил топширилди

Қозоғистон спорт делегацияси Париж — 2024 Олимпиадасида 1 та олтин, 3 та кумуш, 3 та бронза медали билан 206 давлат орасида 43-ўринни эгаллаганди.

Қизиғи шундаки, дзюдо баҳсларида 5-ўринни эгаллаган Абиба Абужакиновага 3 та автомобил совға қилишди. Дастлаб у Kia Ceed маркали машина, кейин эса Zeekr русумли «тойчоқ»ли бўлганди. Кеча эса унга BMW X3 автомобили топширилди.

Эслатиб ўтамиз, Қозоғистон спорт делегациясиа Париж — 2024 Олимпиадасида ягона олтин медални дзюдочи Елдос Сметов тақдим этганди. Гимнастикачи Нариман Курбанов, юнон-рим курашчи Демеу Жадраев, боксчи Нурбек Оралбай кумуш, дзюдочи Гусман Киргизбаев, боксчи Назим Кизайбай, мерганлар Ислам Сатпаев ва Александра Ле бронза медалига сазовор бўлган эди.