Абу-Дабида ғолиб бўлган ўқувчилар автомобиль билан тақдирланди

Президент мактабининг икки нафар ўқувчисининг ота-онаси ва устозига Президент номидан автомобиль совға қилинди.

Абу-Даби шаҳрида "Zayed Sustainability Prize» танлови ўтказилди. Танловда ўз ихтиролари билан Тошкент шаҳридаги Президент мактаби ўқувчилари бўлган Паҳлавон Ғуломов, Асилбек Ашрапов ғолиб бўлди.

Ўқувчилар ва уларнинг устози Соҳибжон Азизов автомобиль билан тақдирланди.

Мукофотни топшириш маросимида Бош вазир Абдулла Арипов ҳамда Президент ёрдамчиси Саида Мирзиёева иштирок этди.