Трамп федерал ҳукуматга АҚШга ноқонуний киришга уринган муҳожирларни чиқариб юбориш ваколатини берди
Федерал ҳукумат АҚШ жанубий чегарасидан ноқонуний муҳожирларни репатриация қилиш ва чиқариб юбориш учун зарур чораларни кўриш ваколатига эга бўлди.
«Президент Трамп Қўшма Штатларга жанубий чегара орқали кираётган хорижликларнинг киришини тўхтатиб турувчи ижроия фармонини имзолади,» — дейилади Оқ уй хабарида.
Ҳужжатда ёзилишича, Трамп Ички хавфсизлик вазирлиги, Адлия вазирлиги ва Давлат департаментига босқинни зудлик билан қайтариш, шунингдек, АҚШ жанубий чегарасидан ноқонуний муҳожирларни репатриация қилиш ва чиқариб юбориш учун зарур чораларни кўриш ваколатини беради.
Нашрга кўра, Техас каби штатлар Байден маъмурияти даврида муҳожирларнинг бостириб киришидан ҳимоя қилиш учун федерал ҳукуматга бир неча бор мурожаат қилган, аммо у уларни АҚШга кириб келаётган, уларнинг жамоаларига бостириб кирадиган ва федерал ва маҳаллий ҳокимиятлардан кўп миллиардлаб харажатларни талаб қиладиган миллионлаб ноқонуний хорижликлардан ҳимоя қила олмаган.
Жорий йилнинг 21 январь куни Трамп АҚШ жанубий чегарасида фавқулодда ҳолат эълон қилиш тўғрисидаги фармонни имзолади. Энди мудофаа ва ички хавфсизлик вазирлари жанубий чегара устидан тўлиқ назоратни таъминлаш учун жисмоний тўсиқларни ўрнатиш ва етарли миқдордаги ходимларни жойлаштириш учун барча зарур чораларни кўришлари керак.
«Президент фармонни имзолади, унга кўра, наркокартеллар хорижий террористик ташкилотлар сифатида белгиланади, бу эса ҳарбий куч ишлатишга олиб келиши мумкин», — дейилади хабарда.