Ўзбекистонда автомобилга газ ускунасини ўрнатиш учун рухсатномани энди онлайн тарзда олиш мумкин
Ушбу хизмат ЯИДХПда ишга туширилган бўлиб, пуллик хизмат ҳисобланади – тўлов миқдори 112,5 минг сўм.
Хизматдан фойдаланиш учун онлайн ариза тўлдириш керак. Ваколатли орган ариза берувчига аризанинг маъқулланганлиги ёки рад этилганлиги тўғрисида электрон шаклда маълумотнома тақдим этади.
Агар автомобил янги бўлса, ҳисоб-фактурани илова қилиш керак.
Автотранспорт воситаларини қайта жиҳозлаш учун рухсат олиш учун аризани кўриб чиқиш учун йиғим 0,3 БҲМ (112 500 сўм) ни ташкил қилади. Хизмат кўрсатиш муддати — 10 кун.