Россияда чет эл фуқароларини легаллаштириш муддати 10 сентябргача узайтирилди

Миграция қоидаларини бузган ҳолда Россия Федерацияси ҳудудида бўлган чет эл фуқаролари ва фуқаролиги бўлмаган шахсларга ўз ҳуқуқий ҳолатини тартибга солиш ёки мамлакатни тарк этиш учун 10 сентябргача (илгари 30 апрелгача эди) вақт берилди.

Миграция агентлиги Матбуот хизмати Россияда вақтинча меҳнат фаолиятини олиб бораётган ўзбекистонликлар учун муҳим хабарни эълон қилди.

Россия президентининг имзолаган фармонига кўра, Россия даги чет эл фуқаролари ва фуқаролиги бўлмаган шахсларнинг ҳуқуқий мақомини расмийлаштириши (легализация) лозим бўлган муддат 2025 йилнинг 10 сентябргача узайтирилди.

“Вазирлар Маҳкамаси ҳузуридаги Миграция агентлиги Россияда ишлаб юрган, аммо, ҳужжатларида камчилиги мавжуд бўлган барча ўзбекистонликларга ҳуқуқий, амалий ёрдам кўрсатишга тайёр,” – дейилпди агентлик хабарида.