Поезд чипталари учун талабаларга 50 фоизлик чегирма берилади

Чегирма даври 25 декабрдан келаси йил 7 январгача амал қилади.

“Ўзбекистон темир йўллари” AЖ Матбуот хизмати хабарига кўра, 2023 йил 25 декабрдан, 2024 йил 7 январгача олий ўқув юртларида таълим олаётган талабаларга поезд чипталарида тариф қисмидан 50 фоиз миқдорида чегирма берилади.

Қайд этилишича, чегирмалар SV /VIP класс вагонларига ва юқори тезликда ҳаракатланувчи «Афросиёб» электропоездига амал қилмайди.

Чипталарни сотиб олиш учун паспортингиз билан темир йўл кассаларига ташриф буюриш ёки электрон тарзда чипта харид қилишда eticket.railway.uz сайтидан фойдаланиш мумкин.