Шаҳрам Ғиёсов мексикалик рақибини енгиб, IBF Шимолий Америка камарини қўлга киритди

Профессионал боксчимиз Шаҳрам Ғиёсов (12-0, 9 КО) Лас-Вегасдаги «T-Mobile Arena»да рингга кўтарилди. Ушбу жангда боксчимизга мексикалик Кристиан Гомес (22-2-1, 20 КО) рақиблик қилди.

10 раундлик жанг тўлиқ давом этди. Шаҳрам тўртинчи, еттинчи ва ўнинчи раундларда рақибини нокдаун ҳолатига тушириб қўйди, жангда ҳам рақибига нисбатан анча устунликка эга бўлди.

Якунда ҳамюртимиз очколар эвазига (99-88, 99-88, 98-89) ғалаба қозонди.

Ушбу ғалаба орқали Шаҳрам IBF Шимолий Америка камарини қўлга киритди.