UFC. Топурия Махачевга қарши жанг қилишга тайёр

UFC'нинг собиқ ярим енгил ва енгил вазн тоифаси чемпиони Илия Топурия ярим ўрта вазн тоифасининг амалдаги чемпиони Ислом Махачевга қарши октагонга чиқишга тайёр эканини маълум қилди.

Топуриянинг айтишича, агар Махачев чемпионлик камарини сақлаб қолса ва УФC унга жанг таклиф қилса, бу имкониятни иккиланмай қабул қилади.

“Агар Ислом ярим ўрта вазн чемпиони бўлса ва UFC менга қўнғироқ қилса, учинчи камар учун жанг қилишга тайёрман. Акс ҳолда, ўз вазнимда қоламан”, деди Топурия.

“Эл матадор” Махачев устидан ғалаба қозонишига тўлиқ ишонишини ҳам таъкидлади.

“Мен болалигимдан кураш билан шуғулланганман, гиламда улғайганман. Уни партерга ўтказиш, назорат қилиш ва кейин тик туриб жанг қилиш мен учун муаммо эмас. Уни қандай мағлуб этишни биламан. Бунинг учун аниқ стратегиям бор. Деярли барча жангларини томоша қилганман ва заиф томонларини яхши биламан. Балки у мени аввалги рақиблари билан адаштираётгандир, аммо мен Ден Хукер ёки бошқа жангчилардан эмасман”, дея қўшимча қилди Топурия.

Мазкур интервю Топуриянинг UFC Оқ уй турнирида америкалик Жастин Геджига қарши жангидан аввал ёзиб олинган. Беллашувда Топурия техник нокаут эвазига мағлубиятга учраган бўлса-да, интервю орадан бир неча кун ўтиб эълон қилинди.