Конор Макгрегор UFCдаги навбатдаги рақибини маълум қилди
Мухлислардан бири ирландиялик жангчидан UFCдаги шартнома бўйича сўнгги жангини Майкл Чендлер ёки Дастин Порега қарши ўтказиш эҳтимоли, шунингдек, бошқа вариантлари бор ёки йўқлиги ҳақида сўради. Макгрегор эса навбатдаги жанг учун Макс Холлоуей энг мақбул рақиб эканини таъкидлади.
“Бу Холлоуей бўлиши керак. Шубҳасиз, мен шошилдим. Аммо бу сабрсизлик ва дарҳол олдинга интилиш — жанглардан ташқарида ўтган беш йилнинг оқибати. Мен буни ўзим учун белгилаб қўйдим ва бу хатони тузатаман. Кейинги сафар ҳаммасини тўғри амалга ошираман”, дея жавоб берди собиқ чемпион.
Шунингдек, Конор Макгрегор ўзининг жисмоний ҳолати ҳақида ҳам гапириб ўтди:
“Мен жуда хотиржам эдим. Бу тушлик олиш учун дўконга киришга ўхшарди. Фақат тушлик — рақиб эди”.
Эслатиб ўтамиз, Конор Макгрегор ва Макс Холлоуей 12-июль куни АҚШнинг Лас-Вегас шаҳрида бўлиб ўтган UFC 329 турнирининг марказий жангида ўзаро тўқнаш келди. Жангнинг дастлабки сонияларидаёқ Конор сирпаниб кетиб, тиззасидан жиддий жароҳат олди. Натижада баҳс муддатидан олдин, биринчи раунднинг ўзидаёқ тўхтатилиб, Макс Ҳоллоуейнинг ғалабаси билан якунланган эди.