Аёллар учун электромобиль: Хитойда янгиланган Ora Ballet Cat тақдим этилди
Ташқи кўриниши жиҳатидан афсонавий Volkswagen Beetle («Қўнғиз») автомобилини эслатувчи ушбу модель янада кучли электр двигатели билан жиҳозланди. Энди унинг қуввати 169 от кучидан 201 от кучигача оширилган. Максимал тезлиги ҳам 155 км/соатдан 180 км/соатгача етказилган.
Автомобилнинг асосий хусусиятларидан бири аёллар учун қулайликка йўналтирилган жиҳозлар ҳисобланади. Салонда ёритгичли катта грим ойнаси, суратларни ижтимоий тармоқларга тезкор жойлаштириш имконини берувчи ўрнатилган селфи камераси, шунингдек Warm Man Mode режими мавжуд. Ушбу режим бир тугма босилиши билан салонни автоматик равишда иситади.
Хитойда 2026 йилги Ora Ballet Cat электромобилининг бошланғич нархи 193 минг юанни ташкил этади. Бу тахминан 338 миллион сўмга тенг.