Бокс. Александр Усик Украина президентлигига ўз номзодини қўйиш нияти борми?

Супероғир вазн тоифасида мағлубият нималигини билмай келаётган собиқ мутлақ жаҳон чемпиони, украиналик боксчи Александр Усик Украина президентлиги учун бўладиган сайловларда иштирок этмаслигини маълум қилди. Шу билан бирга, у халки орасида етарлича қўллаб-қувватловга эга бўлиши мумкинлигини тахмин қилди.

«Агар менда шундай фикр бўлганида, ўйлашимча, мен учун кўпроқ одам овоз берган бўлар эди (Усик аҳолининг 6 фоизи унга овоз беришга тайёрлиги кўрсатилган сўровнома натижаларига шама қилди), лекин мен Украина президентлигига ўз номзодимни қўймайман», — деди Усик.

Украиналик боксчининг профессионал рингдаги рекорди 25 та ғалабадан иборат бўлиб, уларнинг 16 тасини муддатидан олдин қўлга киритган. Александр Усик 2013 йилнинг ноябрь ойида профессионал боксда дебют қилган ҳамда 2012 йилги Олимпиада ўйинлари чемпиони ҳисобланади.