Ободонлаштириш бошқармаси раҳбари аномал иссиқда ходимларни ишлатгани учун жаримага тортилди
Текширув натижасида Тошкент шаҳри Яккасарой тумани Ободонлаштириш бошқармасида ходимлар меҳнат вазифаларини бажариши учун зарур меҳнат шароитлари яратилмагани аниқланди.
Шу муносабат билан бошқарма бошлиғига Маъмурий жавобгарлик тўғрисидаги кодекснинг 49-моддаси биринчи қисмига мувофиқ маъмурий жавобгарлик чораси қўлланилди. Унга нисбатан базавий ҳисоблаш миқдорининг 5 бараваридан 10 бараваригача миқдорда жарима тайинланди.
Давлат меҳнат инспекцияси иш берувчилар меҳнатни муҳофаза қилиш талабларига қатъий риоя этиши ва айниқса экстремал об-ҳаво шароитида ходимлар учун хавфсиз меҳнат шароитларини таъминлаши шартлигини яна бир бор эслатди.