ММА. Махачев рекорд ўрнатди

16 август куни АҚШнинг Филадельфия шаҳрида аралаш яккакураш бўйича UFC 330 турнири бўлиб ўтди.

Кечанинг асосий жангида ярим ўрта вазн тоифасидаги россиялик чемпион Ислам Махачев ирландиялик даъвогар Иэн Гэррига қарши жангда ўз титулини ҳимоя қилди. Россиялик жангчи UFCда кетма-кет 17-ғалабасини қўлга киритди ва кетма-кет 16 та жангда ғалаба қозонган Андерсон Силванинг натижасини янгилади.

Ушбу жангдан кейин Махачевнинг ҳисобида 29 та ғалаба ва 1 та мағлубият бор. У UFC 322 турнири доирасида Нью-Йоркда ўтказган аввалги жангда австралиялик Жек Делла Маддаленани мағлуб этган эди.