UFC. Парнасс UFC’даги дебют жангида Хукерни мағлуб этгач, Холлоуэйни жангга чақирди

KSW’нинг собиқ икки карра чемпиони Салахдин Парнасс Париждаги UFC Fight Night 287 турнирида Дэн Хукер устидан қозонилган ғалабадан сўнг UFC’даги келажаги ҳақида гапириб ўтди.

«Мен дунёдаги энг яхши жангчиман. Шунчаки энг яхшиси. Жанг муддатидан олдин якунланишини кутганмидим? Ҳа, албатта. Мен барча жангларимда муддатидан олдин ғалаба қозонаман, ҳаммасини нокаут билан тугатаман, шу сабабли бундай натижага ишончим комил эди. Бундан кейин-чи? Навбатдаги жангни кутаман, кучли бешликдан (топ — 5) рақиб истайман.

Умуман олганда, менинг орзуимдаги жанг — бу Макс Холлоуэйга қарши кечадиган баҳс. Макс — афсона, унга чексиз ҳурматим бор. У BMF камарига, ярим енгил вазн камарига эгалик қилган — у ҳамма нарсага эришган. Хуллас, мен Холлоуэй ёки топ — 5’даги бошқа бир жангчи билан тушмоқчиман. Мен бунга тайёрман», — дейди Парнасс.