Белградда Шавкат Мирзиёевни тантанали кутиб олиш маросими бўлиб ўтди

Белграддаги Сербия саройида Сербияга расмий ташрифини амалга ошираётган Ўзбекистон президенти Шавкат Мирзиёевни тантанали кутиб олиш маросими бўлиб ўтди. Бу ҳақда Президент матбуот хизмати хабар қилди.

Сербия президенти Александр Вучич Ўзбекистон раҳбарини қарши олди. Ҳарбий оркестр ижросида Ўзбекистон ва Сербия давлат мадҳиялари янгради, артиллерия тўпларидан ўн марта ўқ узилиб, тантанали салют берилди.

Давлат раҳбарлари фахрий қоровул сафи олдидан ўтиб, расмий делегациялар аъзоларини қутлади. Биргаликда суратга тушилгандан сўнг олий даражадаги музокаралар бошланди.

Фото