Тошкентда III халқаро гастрономик фестиваль ва ошпазлар чемпионати ўтказилади
2026 йил 25–27 ноябрь кунлари Тошкентда III халқаро «Лаззатли Ўзбекистон» гастрономик фестивали ва ошпазлар чемпионати ўтказилади. Тадбир «Ипак йўлида туризм» XXXI Тошкент халқаро туризм ярмаркаси доирасида «Central Asian Expo Uzbekistan» кўргазмалар мажмуасида бўлиб ўтади.
Чемпионат Марказий Осиёдаги йирик кулинария ва гастрономия тадбирларидан бири ҳисобланади. Унда ошпазларнинг касбий маҳорати, ижодий ёндашуви ва замонавий тажрибалари намойиш этилади.
Тадбирда турли мамлакатлардан тажрибали ошпазлар, ёш истеъдодлар, талабалар ва ўқитувчилар иштирок этади.
Шунингдек, миллий ва касбий жамоалар, таълим муассасалари, туризм ҳамда меҳмондўстлик соҳаси вакиллари ҳам чемпионатда қатнашади.