Нажмиддинов америкалик боксчисини 2-раунддаёқ нокаутга учратиб, камарга эга чиқди

Профессионал бокснинг ярим ўрта вазн тоифасида ҳаракат қилаётган Жамшид Нажмиддинов (19-2, 15 КО) Тошкент вақти билан 15 май тонгида ўзининг навбатдаги жангини ўтказди.

АҚШнинг Даллас шаҳрида бўлиб ўтган жангда ўзбекистонлик боксчи маҳаллий спортчи Чарльз Ҳетлига (30-3-1, 21 КО) қарши баҳс олиб борди. Катта устунликка эришган Нажмиддинов иккинчи раундда рақибини нокаутга учратди.

Ушбу ғалаба орқали Жамшидбек WBC Америка минтақавий камарига эга чиқди.

Қайд этиш керак, Ҳетлининг кетма-кет тўртта ғалабадан иборат сериясига якун ясалди. Сўнгги бор Чарльз супер ярим ўрта вазн тоифаси мутлақ чемпиони Жермелл Чарлога ютқазиб қўйганди.

Манба: daryo.uz