Ўқиш учун хорижга кетган ўзбекистонликлар сони учдан бирга камайди
2026 йил январь–сентябрь ойларида 16 522 нафар Ўзбекистон фуқароси таълим олиш учун хорижга чиқиб кетган. Бу ўтган йилнинг мос даврига нисбатан 33 фоизга кам. Бу ҳақда Миллий статистика қўмитаси маълум қилди.
Ўзбекистонликлар таълим олиш учун энг кўп Россияга борган — 3 847 нафар. Иккинчи ўринда Қирғизистон бўлиб, у ерга 2 809 нафар фуқаро йўл олган. Жанубий Корея эса 2 118 нафар билан учинчи ўринни эгаллаган.
Кучли бешталикдан Туркия ва Хитой ҳам ўрин олган. Ушбу мамлакатларга мос равишда 1 818 ва 1 248 нафар ўзбекистонлик ўқиш учун борган.
Қозоғистонга 1 112 нафар, Тожикистонга 904 нафар фуқаро таълим олиш учун кетган. Буюк Британияни 784 нафар, Германияни 374 нафар, АҚШни эса 231 нафар ўзбекистонлик танлаган. Бошқа мамлакатларга жами 1 277 нафар фуқаро йўл олган.
2025 йилнинг январь–сентябрь ойларида ўзбекистонликлар таълим олиш учун энг кўп Тожикистонга борган — 5 534 нафар. 2026 йилда эса ушбу мамлакат еттинчи ўринга тушиб қолган.