Тошкентда автобусларда чиптасиз юрганлик учун жарималар сони ошди
Йил бошидан 26 октябрга қадар йўл ҳақини тўламаган 134,3 минг нафар йўловчига нисбатан маъмурий баённомалар расмийлаштирилди. Бу ҳақда «Тошшаҳартрансхизмат» компанияси хабар берди.
Октябрь ойининг дастлабки 26 кунида 21 116 та баённома тузилган. Бу сентябрь ойи давомида расмийлаштирилган баённомалар сонидан 830 тага кўп.
Компания маълумотларига кўра, баённомалар сонининг ошиши нафақат қоидабузарликлар, балки назоратнинг кучайтирилгани билан ҳам боғлиқ.
Йўловчилардан автобусга кирган заҳоти йўл ҳақини тўлаш сўралмоқда.