Тарих яратган спортчиларимиз юртимизга қайтишмоқда

Туркиядаги жаҳон чемпионатида иштирок этган Ўзбекистон аёллар терма жамоаси 21 майдан 22 майга ўтар кечаси соат 01:05 да юртимизга қайтиб келади.

Эслатиб ўтамиз, аёллар ўртасидаги ЖЧда боксчиларимиз ўзбек бокси тарихида илк бор медаль қўлга киритишди. — 50 кг вазнли Азиза Ёкубова ва +81 кг вазнли Моҳира Абдуллаева ярим финалга қадар етиб бориб, бронза медалига сазовор бўлдилар.

Терма жамоамиз аъзолари Ислом Каримов номидаги Тошкент халқаро аэропортида тантанали равишда кутиб олиниши режалаштирилмоқда.

Манба: Ўзбекистон бокс федерацияси матбуот хизмати