Рафаэль Надаль «Улкан тож» мусобақаларида Федерер ва Жоковичнинг кўрсаткичини такрорлади

Испаниялик теннисчи Рафаэль Надаль Ролан Гаррос мусобақасининг иккинчи даврасида Корентен Муте устидан 6:3, 6:1 ва 6:4 ҳисобида ғалаба қозонди.

Бу 21 карра чемпион учун «Улкан тож» мусобақаларидаги 300-ғалаба ҳисобланади. Ушбу кўрсаткич бўйича Надал фақатгина Новак Жокович (325) ва Рожер Федерердан (369) ортда қолмоқда.

Ғалабалар фоизи бўйича Рафаэлдан (87,9%) фақат Бёрн Борг (89,2%) олдинда, холос.

«Грунт қироли» Ролан Гарроснинг 13 карра ғолиби ҳисобланади, испан Франция мусобақасида 110 та ўйин ўтказиб, 107 та ғалабага эришган.

Манба: daryo.uz