Бокс. Баҳодир Жалолов 11-жангда 11-нокаутни қайд этди

Олимпия ўйинлари ғолиби, Жаҳон чемпиони Баҳодир Жалолов профессионал рингда бугун навбатдаги жангини ўтказди. Унга бельгиялик Жек Муловайи рақиблик қилди.

Ҳамюртимиз жангни ўта фаол бошламади. У аниқ тактика асосида раунддан раундга кучайиб боришга интилди. Баҳодир 2 ва 3-раундларда кучли зарбалар билан рақибини «силкитиб» қўйган бўлса, тўртинчи раундда бироз хотиржамликка берилди. Жалолов рақиби билан кўп клинчга киришгани учун ҳакам ундан бир баллни олиб ташлади.

Бу ҳолат ватандошимизнинг жаҳлини чиқарди ва ўз услубига спортча жаҳл қўшди. Олтинча бўлимда спортчимиз рақибини нокдаунга туширди. Танаффус бўлиб қолгани учун Жек нокаутдан қутулиб қолди. Аммо сўнгги 8-раундда Жалолов бельгиялик рақибини чуқур нокаутга учратди.

Натижада Жалолов профрингдаги ўзининг 11-жангида 11-ғалабани қўлга киритди. Муловайининг мағлубиятлари 3тага етди.

Манба: stadion.uz