Мексикада босқинчилар қўлидан қутқарилган 7 нафар ўзбекистонликларнинг ҳаётига ҳеч қандай таҳдид йўқ — ТИВ
Ўзбекистон ташқи ишлар вазирлиги Мексикада бир гуруҳ босқинчилар қўлидан қутқарилган 7 нафар ўзбекистонлик шахслар бўйича муносабат билдирди.
Унга кўра, Ўзбекистоннинг Вашингтондаги Элчихонаси зудлик билан Мексиканинг AҚШдаги Элчихонаси, Миграция миллий институти ва ушбу мамлакатнинг бошқа муассасалари билан музокаралар олиб борган.
«Дипломатик миссия маълумотларига кўра, ҳозирга қадар барча юртдошларимиз қўйиб юборилган ва Хорижий фуқароларни вақтинча сақлаш марказига жойлаштирилган. Уларнинг ҳаётига ҳеч қандай таҳдид йўқ. Барча фуқароларимизнинг шахси аниқланган. Мексикалик ҳамкорлар билан Ўзбекистон фуқароларига консуллик-ҳуқуқий ёрдам кўрсатиш бўйича ишлар олиб борилмоқда», — дейилади вазирлик хабарида.