Давлат ташкилотларига бюджет маблағлари ҳисобидан янги йил корпоратив кечаларини ўтказиш тақиқланди

Бу ҳақда Бош вазир Абдулла Арипов тегишли топшириқ берди.

Бош вазир Абдулла Арипов топшириғига кўра, давлат ташкилотларига Янги йил байрамини нишонлаш муносабати билан бюджет ва бюджетдан ташқари маблағлар ҳисобидан корпоратив зиёфатлар ва байрамлар ўтказиш тақиқланганлиги тўғрисидаги ҳужжат қабул қилинди.

Эслатиб ўтамиз, 2021 йилда Махсус комиссия қарори билан давлат ташкилотларига Янги йил байрамлари муносабати билан корпоратив тадбирларни ўтказишни тақиқлаш ҳам киритилган эди. Шунингдек, фуқароларга байрамни тор оила даврасида нишонлаш тавсия этилган.