Шахмат-2022. Эркаклар терма жамоаси 2-турда ҳам йирик ҳисобда ғалаба қозонди

Ҳиндистоннинг Ченнай шаҳрида 44-Бутунжаҳон шахмат олимпиадасида 2-тур ўйинлари бўлиб ўтди.

Ўзбекистон эркаклар терма жамоаси бугун Фарер оролларига қарши баҳс олиб борди. Йигитларимизнинг барчаси ўз рақибларини мағлуб этишди — 4:0. Абдусатторов, Ёқуббоев, Синдаров ва Воҳидов рақибларини тор-мор келтиришди. Эслатиб ўтамиз, терма жамоамиз биринчи турда ҳам Непал устидан шундай ҳисобда ғалаба қозонганди.

Терма жамоамизнинг учинчи турдаги рақиби бироз кейинроқ аниқ бўлди.

Манба: stadion.uz