Бокс. Осиё чемпионати мезбони ва санаси маълум бўлди

Шу йилнинг 30 октябрь — 13 ноябрь кунлари катталар ўртасида Осиё чемпионати ўтказилади. Бу ҳақида Осиё бокс конфедерацияси хабар берди. Эркаклар ва аёллар ўртасида ташкил этиладиган мазкур қитъа биринчилигига Иордания пойтахти Амман шаҳри мезбонлик қиладиган бўлди.

Шунингдек, 27 ноябрь — 4 декабрь кунлари мактаб ёшидаги боксчилар ўртасида Осиё чемпионати ўтказилади ва ушбу мусобақа мезбонлиги Ироқнинг Сулаймония шаҳрига топширилди.

Эслатиб ўтамиз, катталар ўртасидаги Осиё чемпионати 2021 йилнинг май ойида БААнинг Дубай шаҳрида ташкил этилган ва унда Ўзбекистон эркаклар терма жамоаси умумжамоа ҳисобида биринчи ўринни эгаллаганди.

Манба: Ўзбекистон бокс федерацияси матбуот хизмати