Оғир атлетика. Йигитларимиз Осиё чемпионатини медаллар жамғариш бўйича биринчи ўринда якунлашди

Баҳрайнда оғир атлетика бўйича навбатдаги қитъа биринчилиги ўз поёнига етди. Қувонарлиси, унда иштирок этган Ўзбекистон терма жамоаси жами 6 та олтин, 3 та кумуш ва 10 та бронза медалларини қўлга киритди. Олимпиада чемпионларисиз мусобақада қатнашган эркаклар терма жамоамиз эса биринчи бўлди.

Йигитларимиз мусобақада 6 та олтин, 2 та кумуш ва 5 та бронза медалларини жамғаришди. Қайд этиш жоиз, мусобақада жаҳон чемпионатига алоҳида тайёрланаётган икки асосий вакилларимиз Руслан Нурудинов ва Акбар Жўраев иштирок этгани йўқ. Қизларимиз эса муросасиз баҳслар давомида 1 та кумуш ва 5 та бронза медалларини жамоамиз ғазнасига қўшиб қўйишди.

Ўзбекистон терма жамоасининг Осиё чемпионатида қўлга киритган муваффақияти билан мамлакат оғир атлетика федерацияси, спортчи ва мураббийлар, федерациянинг барча мутасаддиларини самимий қутлаймиз.

Манба: olympic.uz