ССВ болалар орасида коронавирус авж олаётгани ҳақидаги хабарларни рад этди — видео

Аввалроқ, ёш болалар орасида коронавирус инфекцияси кўпайиб бораётгани мазмунидаги хабарлар тарқалганди.

Соғлиқни сақлаш вазирлигининг маълум қилишича, болалар орасида ўткир респиратор касалликлар ва коронавирусга чалинишнинг сўнгги кўтарилиши ўтган йил куз ойларига тўғри келган. Ўша пайтда Зангиота юқумли касалликлар шифохонасида беморлар учун 500 та қўшимча шифо ўрни яратилган.

“Ҳозир ҳолат барқарор бўлиб, хасталаниш кўрсаткичлари кескин камайган. Агар болалар орасида коронавирус ёки бошқа ўткир респиратор касалликлар ортиши кузатилса, бу бўйича расмий ахборот берилади", - дейилади хабарда.