Бокс. Ўзбекистонлик эркаклар ўртасида илк финал йўлланмасини Жаъфаров қўлга киритди

Иорданияда ўтказилаётган бокс бўйича Осиё чемпионатида бугун эркаклар ўртасида ярим финал жанглари доирасида Ўзбекистон эркаклар терма жамоаси 3 мағлубиятдан кейин дастлабки ғалабани қўлга киритди.

75 кило вазндаги спортчимиз Саиджамшид Жаъфаров ҳиндистонлик Сумитга қарши ишончли жанг ўтказди. Биринчи бўлимда бир ҳакам ҳинд боксчисининг устунлигини эътироф этган бўлса, 4 ҳакам устунлик Саиджамшидга берди.

Ҳамюртимиз иккинчи ва учинчи раундларда тўлиқ устунликка эришди ва ҳакамларнинг барча овозларини ўзиники қилиб олди.

Якуний ҳисоб — 5:0 (30:27, 30:27, 30:27, 30:27, 29:28). Шу тариқа, ўзбекистонлик эркак боксчилар ўртасида Саиджамшид Жаъфаров биринчи бўлиб финал йўлланмасини қўлга киритди.

Манба: stadion.uz