Бокс. Соҳиба Рўзметова қийин кечган жангда иродали ғалабага эришиб, финалга йўлланмасини қўлга киритди

Иорданиядаги бокс бўйича Осиё чемпионатида бугун аёллар ўртасидаги ярим финал жанглари ўтказилмоқда. 75 кг. вазндаги ўзбекистонлик спортчи Соҳиба Рўзметова филиппинлик Хергие Басияданга қарши рингга кўтарилди.

Биринчи раунд рақиб боксчиси устунликка эришди ва ҳакамлар ўз овозларини унга беришди.

Иккинчи бўлимда Рўзметова фаолликни ва зарбаларининг аниқлигини оширди. Натижада бу сафар барча ҳакамлар ўзбек қизининг устунлигина эътироф этишди.

Учинчи раундда боксчилар борларини бериб ҳаракат қилишди. Ғолиб номини аниқлаш қийин эди. Бу нарса якуний баҳоларда ҳам кўринди ва Соҳиба ғалаба қозонди — 3:2 (29:28, 29:28, 29:28, 28:29, 28:29).

Шу тариқа, Навбаҳор Ҳамидовадан сўнг Соҳиба Рўзметова ҳам Осиё чемпионати финалига чиқди.

Манба: stadion.uz