Бокс. Кувайтлик боксчи Мулложоновга қаршилик кўрсата олмади

Иорданияда ўтказилаётган бокс бўйича Осиё чемпионатида чорак финал жанглари якунига етди. Энг оғир вазндаги боксчимиз Лазизбек Мулложонов ярим финал йўлланмаси учун кувайтлик Али ал-Қрийбга қарши рингга кўтарилди.

Рақиб спортчиси ўзбекистонлик боксчига деярли қаршилик кўрсатмади. Лазизбек барча раундларда яққол устунликка эришиб, рақибини нокдаунга туширди. Мулложонов сўнгги раундда рақибини аяб ҳаракат қилди. Якуний баҳолар — 30:23, 30:24, 30:26, 30:24, 30:26.

Шу тариқа, Ўзбекистон эркаклар терма жамоасининг 13 аъзосидан 11 нафари ярим финалга чиқди.

Манба: stadion.uz