Бокс. Ўзбекистонлик аёллар умумжамоа ҳисобида нечанчи ўринни эгаллади?

Иорданияда бокс бўйича аёллар ўртасидаги мусобақа якунига етди. Ўзбекистон терма жамоаси унда 3та медални қўлга киритди: Навбаҳор Ҳамидова — олтин, Соҳиба Рўзметова — кумуш ва Фарзона Фозилова — бронза.

Ушбу кўрсаткич бўйича Ўзбекистон делегацияси мусобақада умумжамоа ҳисобида 5-ўринни эгаллади. Қизларимиз Дубай — 2021 Осиё чемипонатида бир олтин, 5 кумуш ва 2та бронза медалларига эга чиқишганди. Бу сафар «ҳосил» анча кам бўлди.

Бу галги мусобақада Ҳиндистон медаллар ҳисоби бўйича пешқадамга айланди. Ҳиндлар 4 олтин, бир кумуш ва тўрт бронза медаллари билан ортга қайтадиган бўлишди. Қозоғистон эса 3 олтин, бир кумуш ва беш бронза медаллари билан 2-ўринни эгаллади. Дубайдаги турнирда Қозоғистон пешқадам бўлганди. Бу сафар Япония кучли учликка кирди.

Аёллар ўртасидаги Осиё чемпионати медаллар ҳисоби:

1. Ҳиндистон — 4-1-2
2. Қозоғистон — 3-1-5
3. Япония — 1-4-0
4. Жанубий Корея — 1-1-4
5. Ўзбекистон — 1-1-1
6. Хитой Тайпейи — 1-0-2
7. Вьетнам — 1-0-1
8. Таиланд — 0-2-1
9. Монголия — 0-1-4
10. Иордания — 0-1-1
11. Филиппин — 0-0-2.

Манба: stadion.uz