Бокс-2023. Аълохон Абдуллаев ЖЧдаги дебютини ғалаба билан бошлади

Ўзбекистон терма жамоаси сафида 75 кг. вазнда ёш боксчи жаҳон чемпионатида дебют қилди. 19 ёшли Аълохон Абдуллаев дастлабки саралаш босқичи доирасидаги жангни хитойлик Жао Менгянгга қарши ўтказди.

Ҳамюртимиз ўзи учун ноқулай рақибга қарши тажовузкор услубда жанг олиб борди, у кўп куч сарфлади ва якунда ғалаба қозонди — 5:0 (30:27, 30:27, 30:27, 30:27, 30:26).

Аълохон кейинги босқичда сербиялик Алмир Мемичга қарши рингга кўтарилади.

7 май куни яна икки нафар ўзбекистонлик боксчи ўз жангини ўтказади:

— 51 кг: Ҳасанбой Дўстматов — Саид Мортажи (Марокаш), (А ринг, 18:40 дан сўнг)

+92 кг: Баҳодир Жалолов — Теремоана Теремоана (Австралия), (Б ринг, 19:55 дан сўнг).

Манба: stadion.uz