Бокс-2023. Финалга қайси мамлакатдан нечта спортчи етиб келди?

Тошкентда ўтказилаётган бокс бўйича эркаклар ўртасидаги жаҳон чемпионатида ярим финал жанглари якунига етди. 13 вазн тоифасида 26 нафар спортчи чемпионлик учун рингга кўтарилади.

Ўзбекистоннинг 9 нафар аъзоси ярим финал жанглари иштирок этганди, уларнинг 7 нафари финалга чиқди. Бу борада делегациямиз етакчи бўлиб турибди. Бу эса боксимиз тарихидаги энг яхши натижа ҳисобланади. Гамбург — 2017 ва Екатеринбург — 2021 турнирларида Ўзбекистоннинг 4 боксчиси финалда қатнашганди.

Ярим финалда қатнашган Қозоғистоннинг 5 нафар боксчиси ғалаба қозониб, финалга чиқди. Бу жиҳатдан қўшниларимиз 2-поғонани банд этишди. Куба эса финалда 4 спортчиси билан кучли учликка кирди.

Франция ва Россиянинг 2 боксчиси олтин медаль учун жанг қилса, Грузия, Мўғулистон, Бразилия, Хитой, Озарбойжон ва Италиянинг бир нафардан аъзолари финалгача етиб келишди.

Финалга боксчилари етиб келган мамлакатлар:

7 — Ўзбекистон;
5 — Қозоғистон;
4 — Куба;
2 — Россия, Франция;
1 — Грузия, Мўғулистон, Бразилия, Хитой, Озарбойжон, Италия.

Манба: stadion.uz