Ханчжоу-2022: Феруза Содиқова ҳам финалда!

Осиё Ўйинларида иккинчи финалчимиз номи аниқ бўлди.

Таэквондо WТ бўйича Ўзбекистон терма жамоаси аъзоси Феруза Содиқова ҳам ғалабали юришини давом эттирмоқда. У финал йўлланмаси учун эронлик Малика Мирҳуссайнийга қарши даянга чиқди. Дастлабки бўлимда эронлик спортчи 3:2 ҳисобида ғалаба қозонди.

Феруза иккинчи раундда фаолликни оширди ва 13:10 ҳисобида ғалаба қозонди. Содиқова учинчи бўлимда тўла устунликка эришди ҳамда 18:6 ҳисобида ғалабани қўлга киритди.

Шу тариқа, Улуғбек Рашитовдан сўнг Содиқова ҳам финалга чиқди.