Теннис. Жокович Надалга тенглашиб олди

«Катта Дубулға» туркумига кирувчи турнирларнинг 24 карра чемпиони, дунёнинг биринчи рақамли теннисчиси, сербиялик Новак Жокович ўз фаолиятида 76 марта «Мастерс» туркумига кирувчи мусобақаларнинг ярим финалига чиқди.

Шу тариқа Новак бу кўрсаткич бўйича испаниялик Рафаэль Надалга тенглашди, эндиликда уларнинг иккаласи ҳам бу рекордни бўлишиб турибди.

Жокович Парижда (Франция) бўлиб ўтаётган сўнгги «Мастерс»да ўзининг 76-ярим финалига чиқди. Чорак финал баҳсида сербиялик (1) ўтган йилги чемпион Дейн Холгер Рунени (6) 7:5, 6:7 (3:7), 6:4 ҳисобида мағлуб этди.

«Мастерс»нинг ярим финалига энг кўп чиққан теннисчилар:

1. Новак Джокович (Сербия)/Рафаэль Надаль (Испания) – 76.
2. Роджер Федерер (Швейцария) – 66.
3. Энди Маррей (Буюк Британия) – 33.
4. Андре Агасси (АҚШ) – 32.