Самарқандда итни тез оқар каналга ташлаб юборган йигитларга чора кўрилди

26 ва 21 ёшли йигитларга нисбатан маъмурий иш қўзғатилган.

Аввалроқ, Самарқандда бир йигит итни каналга ташлаб юборгани, бошқа йигит ҳолатни тасвирга олиб, уни TikTok'ка жойлагани ҳақида хабар бергандик. Самарқанд вилояти ИИБ Матбуот хизмати ҳолат юзасидан маълумот берди.

Қайд этилишича, 11 июль куни Булунғур туманида 1997 йилда, иккинчиси 2002 йилда туғилган йигитлар ўзларининг итини Дарғом каналига ташлаб юборишган ва ҳолатни видеога олишган.

Уларга нисбатан МЖтКнинг 111-моддасида (ҳайвонларга нисбатан шафқатсиз муносабатда бўлиш) назарда тутилган ҳуқуқбузарликни содир этганликлари учун чора кўрилган.

Итнинг аҳволи яхши.