Тошкент вилоятидаги масжидда болаларга диний сабоқ берган масжид ходими жазоланди

Судланувчи 2 нафар болага «Муаллими Соний» ва «Қуръони Карим» китобидан кичик сураларни ўргатган.

Жорий йилнинг 16 август куни Тошкент вилояти Зангиота тумани ИИБ ТҚКБ ходимлари томонидан ўтказилган тадбирда судланувчи шу йилнинг июль ойидан буён ўзи ишлаётган «Ал-Имон» номли масжидда 2 нафар вояга етмаган болаларга «Муаллими Соний» ва «Қуръони Карим» китобидан кичик суралардан ноқонуний равишда диний сабоқ бериб келганлиги аниқланди.

Унга кўра, судланувчи МЖтКнинг 241-моддасида тутилган маъмурий ҳуқуқбузарликни содир этган деб топилди ва унга шу модда билан МЖтКнинг 33-моддасини қўллаб, базавий ҳисоблаш миқдорининг 1 баравари миқдорида (330.000 сўм) жарима жазоси тайинланди.