Спортчилар учун спорт паспортини олишга онлайн ариза хизмати ишга туширилди

My.gov.uz орқали ариза юборилгач, спорт паспорти 6 иш кунида тегишли спорт ташкилотига етказиб берилади.

My.gov.uz порталида «Спортчилар учун спорт паспортини олишга ариза бериш» хизмати ишга туширилди. Бу ҳақда ДХА Матбуот хизмати хабар берди.

Қайд этилишича, хизматдан онлайн фойдаланилса, 10 фоиз арзон тўланади. Хизмат нархи My.gov.uz орқали ариза топширилганда 0,15 БҲМ — 49 минг сўмни ташкил қилади.

My.gov.uz орқали ариза юборилгач, спорт паспорти 6 иш кунида тегишли спорт ташкилотига етказиб берилади. Спортчи паспортининг амал қилиш муддати 5 йил.

Спортчи паспорти иккинчи ўсмирлар спорт разрядидан паст бўлмаган разрядга эга, тегишли спорт тури билан мунтазам шуғулланиб келаётган ва спорт мусобақаларида доимий иштирок этувчи спортчига берилади.