Тошкентда уй қурувчи МЧЖ раҳбари одамлар билан сохта шартномалар тузиб, 40 млрд сўмни ўзлаштирди

23 нафар уй олмоқчи бўлган фуқаролар фирибгарлик қурбони бўлишди.

Аввалроқ, бир қатор нашрларда Яшнобод туманида фуқаролар қурилиш компаниялардан бирига пул тўлагани, аммо 3 йилдан бери уй берилмаётгани ҳақида хабарлар эълон қилинди. Ҳолат юзасидан Бош прокуратура маълумот берди.

Аниқланишича, “Z.G." МЧЖ раҳбари А.А. хонадон сотиб олиш истагини билдирган 23 нафар фуқаролар билан сохта олди-сотди шартномаларини тузиб, фуқароларнинг жами 4 млрд сўмдан ортиқ пул маблағларини фирибгарлик йўли билан қўлга киритган. Аммо, фуқароларга хонадонларни расмийлаштириб бермасдан, пулларни талон-торож қилган.

Мазкур ҳолат юзасидан Жиноят кодексининг 168-моддаси (фирибгарлик) ва бошқа моддалар билан жиноят иши қўзғатилиб, дастлабки тергов ҳаракатларини олиб бориш учун ички ишлар органига юборилди.