Президент сафарда бўлсалар ҳам ҳокимга ва менга кечаси 1 да ва эрталаб 8 да қўнғироқ қилди — Абдулла Арипов
Бош вазир Абдулла Арипов Сергели туманидаги омборда содир бўлган ёнғинда жабр кўрган фуқаролар билан учрашди.
«Президент хизмат сафарида бўлиб, кечаси 1 да ҳокимга телефон қилдилар, менга телефон қилдилар. Эрталаб 8 да яна телефон қилдилар. Президентимизга барча кучлар жалб қилинганини, 24 соат давомида ишлар ташкил қилиниб, кечаси билан ишлашганини билдирдим. Сафарда бўлсалар ҳам уларнинг эътиборларидан четда қолмайсизлар, ҳавотир олманглар», деди Бош вазир Сергели аҳолиси билан учрашувда.