Тошкент шаҳрида яшовчи доимий аҳоли сони 3 млндан ошди

Статистика агентлигининг маълумотларига кўра, пойтахтда энг кўп аҳолини аёллар ташкил этмоқда.

Жорий йилнинг 9 август куни Тошкент шаҳри аҳолиси 3 млн кишига етгани ҳақида хабар берган эдик. Статистика агентлигининг маълум қилишича, шу йилнинг 1 октябрь ҳолатига кўра, Тошкент шаҳрида яшовчи доимий аҳоли сони 3 020,5 минг кишини ташкил этмоқда.

Шундан 1 481,9 минг кишини эркаклар, 1 538,6 минг кишини аёллар ташкил этган.

Маълумотларга кўра, пойтахт аҳолиси сони илк бор 1960 йилда 1 миллион, 1985 йилда 2 миллион, хозирги кунга келиб 3 миллиондан ошди.