Андижонда байроқни юк учун ёпқич сифатида ишлатган ҳайдовчи жазоланди
Labo ҳайдовчиси юкхонадаги тўсинларни ёпишда байроқни ишлатгани учун жазога тортилди.
Ушбу автомашина ҳуқуқ-тартибот идоралари томонидан Шаҳрихон туманида истиқомат қилувчи фуқарога тегишли эканлиги аниқланди.
Андижон вилояти ИИБ Матбуот хизматининг UzNews.uz'га маълум қилишича, ушбу фуқарога нисбатан қўзғатилган иш Жиноят ишлари бўйича Шаҳрихон туман судида кўриб чиқилган.
Унга кўра, ҳайдовчига МЖтКнинг 203-1-моддаси (давлат рамзлари тўғрисидаги қонунчиликни бузиш) 1-қисми билан базавий ҳисоблаш миқдорининг 3 баравари (1 миллион 20 минг сўм) миқдорида жарима қўлланилган.