Собиқ Yeoju университети ректори Жанпўлат Худойбергенов вафот этди
Ўзбекистондаги биринчи хусусий олий ўқув юрти Тошкент Кимё халқаро университети ректори Жанпўлат Худойбергенов 45 ёшида вафот этди.
Жанпўлат Худойбергенов 1978 йил 10 мартда Нукус шаҳрида туғилган. 2000 йилда Бердақ номидаги Қорақалпоқ давлат университетини, 2001 йилда «Умид» Президент жамғармаси орқали Бирмингем университети (Буюк Британия)ни тамомлаган.
2010-2014 йилларда Тошкент молия институти «Ҳисоб ва аудит» факультети декани лавозимида ишлаган. 2014-2017 йилларда Олий ва ўрта махсус таълим вазирлигида ишлаган.
2018 йилдан Yeoju техника институтининг ўқув ишлари бўйича проректори. 2019 йилдан Ўзбекистондаги биринчи хусусий олий ўқув юрти ректори лавозимида фаолият юритди.
Жанпўлат Худойбергеновнинг дафн маросими шанба куни Нукусда бўлиб ўтади.