UzAuto Motors бугундан Cobalt, Damas va Labo автомобиллари учун шартнома беришни бошлайди

Шартнома фақат онлайн берилади. Дилерлик марказлари савдо тизимидан ўчирилади ва автосалонларнинг барчаси ёпиқ бўлади.

UzAuto Motors компанияси хабарига кўра, бугун, 22 декабрь куни соат12:00 да 2024 йил ишлаб чиқарилиши режалаштирилган Chevrolet Cobalt, Damas ва Labo автомобилларининг бутун ҳажми учун онлайн контрактация очилади.

Автомобиль харид қилиш учун шартномани фақат онлайн тарзда расмийлаштириш мумкин. Қайд этилишича, шу кунларда барча Chevrolet дилерлик марказлари савдо тизимидан ўчирилади ва автосалонларнинг барчаси ёпиқ бўлади.

Эслатиб ўтамиз, Chevrolet оммабоп автомобиллари учун шартнома тузиш фақат UzAutoSavdo иловаси, шунингдек savdo.uzavtosanoat.uz сайти орқали амалга оширилиши мумкин. Telegram-бот фақат навбатни кузатиш хизматини ҳамда мавжуд автомобиллар ҳақида маълумотни тақдим этади.