Муроджон Аҳмадалиевнинг Наоя Иноуэга қарши жанги Саудия Арабистонида бўлиб ўтиши мумкин

Биринчи ярим енгил вазн тоифасида мутлақ жаҳон чемпиони бўлган Наоя Иноуэ 2024 йилда 3 та жанг ўтказишни режалаштирмоқда.

Дастлаб, май ойида Японияда WBC камарига даъвогар Луис Нерига қарши рингга кўтарилади. Шундан сўнг сентябрь ойида ўзбекистонлик Муроджон Аҳмадалиевга қарши жанг режалаштирилган.

Хабарларга кўра, ушбу жангни ташкил этишга Саудия Арабистони қизиқиш билдирмоқда. Агар келишув амалга ошса, Муроджон ва Наоя ўртасидаги жанг Саудияда бўлиб ўтади.

Шунингдек, Иноуэ декабрь ойида Жон Риэл Казиморо ёки Сам Гоодманга қарши рингга кўтарилади.

Манба: daryo.uz