Польшалик гроссмейстер жаҳон чемпионатида россиялик шахматчи билан қўл бериб кўришишдан бош тортди

Самарқанд мезбонлик қилган шахмат бўйича жаҳон чемпионатида бўлиб ўтган бир воқеа одамлар эътиборини тортди.

Польшалик гроссмейстер Ян-Кшиштоф Дуда рақиби россиялик Денис Хисматуллинга қўл беришдан бош тортди.

Хисматуллин стол ёнига келганидан сўнг Дудага қўл узатди, полшалик шахматчи эса қўл узатишни рад этди.

Гроссмейстерлар ўртасидаги партия дуранг натижа билан якунланди.

Блиц бўйича чемпионат якунига кўра Дуда 10-ўринни эгаллади, Хисматуллин эса топ — 10 ликка кира олмади.

Манба: daryo.uz