WBC рейтингни янгилади. Баҳодир Жалолов 2 поғона, Шаҳрам Ғиёсов эса бир поғона юқорилади, Ҳасанбой Дўстматов ўз ўрнида қолди

Бутунжаҳон бокс кенгаши (WBC) январь ойи учун янгиланган рейтингни эълон қилди.

Ярим енгил вазн тоифасидаги ўзбекистонлик боксчи Отабек Холматов бу сафар WBC рейтингига киритилмади. Бу катта эҳтимол билан унинг бошқа йўналишда даъвогар эканлигига боғлиқ.

Шу тариқа, рейтингда 8 нафар ўзбекистонлик боксчи қолди:

Супер оғир вазн: Баҳодир Жалолов 2 поғона юқорилади ва 13-ўринга жойлашди;

Супер ўрта вазн тоифаси ( — 76,2 кг): Бектемир Мелиқўзиев 13-ўрин;

Супер ярим ўрта вазн ( — 69,8 кг): Исроил Мадримов 8-ўрин;

Ярим ўрта вазн ( — 66,6 кг): Шаҳрам Ғиёсов 1 поғона кўтарилиб, 14-ўринни эгаллаган бўлса; Жаҳонгир Расулов 31-ўринда қолди;

Супер енгил вазн ( — 63,5 кг): Ботир Аҳмедов 2 поғона пастлаб, 35-ўринга жойлашди;

Биринчи ярим енгил вазн ( — 55,3 кг): Муроджон Аҳмадалиев 4-ўрин;

Биринчи ўта енгил вазн ( — 47,6 кг): Ҳасанбой Дўстматов 5-ўрин.

Манба: daryo.uz