2023 йилда «Тошшаҳартрансхизмат» АЖ автобуслари 241,7 миллион йўловчига хизмат кўрсатди
Бир кунда ўртача ташиладиган йўловчилар сони 662,3 мингдан ошди. Бу эса 2022 йилга нисбатан 62% га кўп.(2022 йилда ўртача 404,4 минг йўловчи ташилган). Автобусларда 2023 йил давомида жами 241,7 миллион йўловчи ташилди.
Кунлик қатновлар сони ўртача 16 847 тани ташкил этди. 2022 йилга нисбатан 59,8% га ошди. (2022 йилда кунлик қатновлар сони ўртача 10 542 тани ташкил этган).
2023 йил давомида жами 6 149 147 та қатновлар амалга оширилди.
Бугунги кунда пойтахт жамоат транспорти тармоғи 165 та йўналишдан иборат бўлиб, 1 кунда 1700 га яқин автобуслар йўналишда йўловчиларга хизмат кўрсатмоқда.
2024 йилда яна 200 та янги электробуслар харид қилиниб 5 та янги йўналиш ташкил этиш режалаштирилган.